دخول
...
بحـث
نتائج البحث
بحث متقدم
أفضل 10 أعضاء في هذا المنتدى
11656 المساهمات
3413 المساهمات
3332 المساهمات
3308 المساهمات
2855 المساهمات
2254 المساهمات
2058 المساهمات
2046 المساهمات
1937 المساهمات
1776 المساهمات
تدفق ال RSS

Yahoo! 
MSN 
AOL 
Netvibes 
Bloglines 
كود انت غير مسجل
مرحبا أيها الزائر الكريم, قرائتك لهذه الرسالة... يعني انك غير مسجل لدينا في المنتدى .. اضغط هنا للتسجيل .. ولتمتلك بعدها المزايا الكاملة, وتسعدنا بوجودك
...
facebook1
iframe
إعلانات تجارية

    لا يوجد حالياً أي إعلان


    شاطر
    اذهب الى الأسفل
    avatar
    تيما
    المراقب العام
    المراقب العام
      :
    انثى
    عدد الرسائل : 1656
    العمر : 20
    العمل/الترفيه : خياطة و معلمة للاطفال الروضة

    المزاج : ممتاز والحمد لله وحياتي مليئة بالتفاؤل
    تاريخ التسجيل : 15/01/2013




    m2 الوصايا العشر لشهيد تحت التعذيب ............

    في الثلاثاء 18 نوفمبر 2014, 13:02
    الوصايا العشر لشهيد تحت التعذيب 
    من روح البطل باسل جومر.. ولكل حر في سوريا.....
    بآخر دقايق والوقت
    فيه الثواني سنين
    كرج العمر كلو.. متل لمحة..
    وصوت الوجع.. مكتوم
    تعب الوجع مـِ الآخ
    وانشقّت البحّة..
    الوجوه سودا قاسية
    والدم طرطشها.. فكّرتها حيطان
    ما ضل فيها شي
    بيشبه ملامح تشبه الإنسان..
    ويا دوب نتفة ضو تحت العين..
    ويا دوب باقي شي نفَس
    والروح ع حدّ البدن.. ع اللي بقي من هالبدن
    ع آخر البقيان..
    قبل السفر للضو..
    بآخر دقايق بالعتم..
    آخر حكي..
    آخر وصيا للحلم:
    - اصحوا من النسيان
    لا تتركوا شي اسم ما تقولوه
    سمّوا الشوارع.. والمدارس
    حتى ولاد الـ رح تجي
    كل طفل ع اسم انقتل.. سمّوه
    - خلوا المدى إلكن..
    لا تحبسوا أرواحكن ع الأرض
    وصلّوا لنسمة من الوطن
    وتعمّدوا بتراب فيه الروح
    وخلّوا المحبة.. فرض.
    - لا تعملوا باسمي عزا
    لا تلبسوا الأسود على مجدي
    رشّوا الورد ع درب مدرستي
    وجيبوا الصبايا يقعدوا حدّي
    وعلّوا الأغاني للصبح..
    وقولوا عن عيوني زجل
    وكل ما تعب قوّال
    رِدّوا افتحوا ردّة
    - بالأرض كل الخير
    لا تصدقوا كذب الهوى الغربي
    خلوا مهر عرسانكن
    قمح وعنب
    زيتون أو شتلة قطن
    ولا تدعسوا الغربة..
    - ما في نسب بالدم
    خيّك ابن عمك : ابن بلدك
    يلي وقف كتفو على كتفك بوجه الظلم
    يلّي هتف..
    لولاد زاحوا الهم
    ما في نسب.. إلا البلد
    سوريا هي الأم..
    - وصيّتكن العشاق..
    هنّ الأمل..
    هن الفرح.. وهنّ الـ بيردوني لحضن أمي
    لا تتركوا الدنيا توجّعهن
    لا تكسروا حلمي
    وصيّتكن العشاق..
    أصل العشق………. اسمي.
    - بدي أغاني تنكتب
    تحكي عن الأيام .. للأيام
    تسرق أسامي كم بنت
    حملوا الحلم بالشام
    تحنّي أضافر طفل من درعا
    لشباب من قلعة حلب
    أقوى من القلعة
    للجسر عند الدير
    للصوت لـ عاصي حماة
    لصرخة القاشوش والـ سِمعا
    لحمص يلي خرمشت وجه السما
    وقالت ما في رجعة
    للبحر وولادو..
    للرقة للغوطة
    لكراد أقرب من عِرق عيني
    بالضحكة والدمعة
    - شفتوا الجرح يلي بقي مفتوح ع صدري
    موجوع عم ينزف أسى
    وع صوتكن بيطيب..
    كرمال كل الـ راح
    كرمال روحي بالسما ترتاح
    لا يكون بين وجوهكن.. وجه الغريب..
    - بدي العلم أخضر
    يعلّي بكل ساحة
    وتعود سوريا
    نبراس للدنيا
    وتهب ع كل المدى رياحا
    بقلوبكن قبل الحجر
    علّوا عمايرها
    ومدّوا الفرح زينة
    يبرم ع دايرها
    وصِيدوا المجد.. مع كل طلعة ضو
    وحطوه نقطة زيت
    تضوي بمصباحا
    - آخر وصية الدم
    آخر وصية: الدم
    آخر وصية: الدم..
    لا تتركوا تاري
    ولا تتركوا هالحلم
    وتذكروا
    هالليل ما بيطول
    والحق هو النجم..
    بعدو.. شمس تعلا والضو حريّة
    والسوري أول اسم..
    ….
    ع مهل عم ارتاح..
    ما عدت محبوس بجسم
    ضل الحبس والعتم للسجان
    وطلِعت مع نسمة ورا القضبان
    اسرح بسوريا..
    اعشق .. نبض القلوب
    صبّح على الانسان
    avatar
    ابو ابتسام
    عضو ذهبي
    عضو ذهبي
      :
    ذكر
    عدد الرسائل : 924
    العمر : 51
    العمل/الترفيه : ساعي لرضا الله

    المزاج : صبور
    تاريخ التسجيل : 25/10/2011





    m2 رد: الوصايا العشر لشهيد تحت التعذيب ............

    في الثلاثاء 18 نوفمبر 2014, 14:09
    اللهم انصر المستضعفين في سوريا و في كل مكان.
    avatar
    ابو ابتسام
    عضو ذهبي
    عضو ذهبي
      :
    ذكر
    عدد الرسائل : 924
    العمر : 51
    العمل/الترفيه : ساعي لرضا الله

    المزاج : صبور
    تاريخ التسجيل : 25/10/2011





    m2 رد: الوصايا العشر لشهيد تحت التعذيب ............

    في الثلاثاء 18 نوفمبر 2014, 14:19
    عادت الصورة الرمزية و عادت معها البراءة القحة و الجمال الخلاق .شكرا
    الرجوع الى أعلى الصفحة
    صلاحيات هذا المنتدى:
    لاتستطيع الرد على المواضيع في هذا المنتدى